姐姐突然懷孕 僱主點算好？
外傭姐姐隻影形單去到香港做野，其實都難免思念親人同感到寂寞。想搵個可以依靠既男士，某程度上都係人之常情。
外傭們多數係兩種情況下會唔小心懷孕
第一種情況：係香港認識到男朋友
第二種情況：放假回鄉見先生後
根據陽光女傭中心既資料顯示，係我地由一九九六年服務到依家，服務左超過二十萬個家庭。我地統計到大概3%既外傭會係香港工作時懷孕，其中九成係菲傭。
如果發現外傭突然懷孕，僱主應該點算好？
我地一齊睇下陳太既個案：
住中環既陳太屋企有3,000呎咁大，因此決定請女傭幫手。 點知五年前，佢「 中獎」，菲傭被驗出在本港懷孕。
第一位菲傭當年23歲，單身，落港時已做哂全套檢查。但慢慢做落，陳太發現呢位菲傭有「 特別既衣著技巧」，即使三十幾度出哂汗都會著鬆身衫同大碼衫。陳太開頭唔係好為意，以為係菲傭姐姐文化要衣著特別講究。但兩星期期後，呢位菲傭做做下野突然又暈又嘔，陳太見到嚇到叫左白車幫手處理。
開頭陳太仲以為菲傭係低血糖無食早餐先搞成咁，點知急症室醫生一睇完症就叫陳太陪菲傭去婦產科做檢查。最後當然「 中獎」，有左10個禮拜既BB。陳太亦身為人母，知道為人母親之不易，係接受左菲傭既道歉書之後就買左機票俾佢回國。
其實遇到呢類情況，我地陽光女傭中心會有小貼士俾翻大家。
小貼士
1. 如果外傭懷孕，僱主可以辭退該名工人嗎？
答：如果外傭符合以下條件，則僱主由外傭經醫生證明書證實懷孕之日起至產假結束而應復工之日為止，不可辭退該名工人。
● 外傭已按照連續性合約受僱
● 外傭已向僱主發出懷孕通知
僱主只可以係兩種情況下辭退工人，否則可能會違反規則招致罰款*。
● 外傭嚴重過失
● 如僱傭合約有明確協定通知期，僱主可在不多於12星期的試用期之內辭退工人。(不得由於外傭懷孕就辭退她。)
2. 僱主可以要求外傭定期打避孕針嗎？
答：係外傭同意既情況下可以。
3. 僱主應該如何與懷孕外傭協商工作事宜？
答：雙方應該在有共識情況下展開討論，最好有白紙黑字記錄會議議程。
4. 如果外傭因為懷孕主動提出請辭，僱主可以點算？
答：即使外傭主動提出請辭，僱主都應該要求佢寫辭職信。
5. 僱主洗唔洗俾外傭放10星期既有薪產假？
答：要。根據香港法例第57章《僱傭條例》產假，僱主要支付每日平均工資之4/5既薪金**，請細閱底部《僱傭條例》產假條例了解更多。(出生後既BB唔可以住係僱主屋企。)
6. 發現外傭懷孕，可否向僱傭公司要求更換工人？
答：唔可以。基於外傭懷孕期就辭退佢，違反左勞工條例，僱主最高可能被罰款十萬元正及其他附加費用*。
7. 僱主可以係合約或者口頭上，加入「 不準懷孕」條款？有無法律約束力？
答：唔可以。因為加落去只係僱主既意願，無法律約束力。
*僱主解僱懷孕僱員，可被檢控，一經定罪，最高可被罰款
10 萬元。此外，僱主必須在終止合約後 7 天內，支付下列款項給僱員：
1. 解僱代通知金；
2. 一筆相等於 1 個月工資的賠償款項 6；及
3. 假如僱員繼續受僱便會有資格領取產假薪酬，僱主須支付僱員 14 星期產假薪酬。
此外，若僱主並非基於條例規定的正當理由解僱僱員，僱員可向僱主提出「僱傭保障」補償的申索。
**產假薪酬的每日款額相等於僱員在「產假首天」前 12 個月內所賺取的每日平均 工資的五分之四。如僱員的受僱期不足 12 個月，則以該段較短期間計算。第 11 個至第 14 個星期的四個星期產假薪酬上限為 80,000 元。
香港法例第57章《僱傭條例》產假: https://www.labour.gov.hk/tc/faq/cap57h_whole.htm
僱傭條例簡明指南 第六章 : https://www.labour.gov.hk/tc/public/pdf/wcp/ConciseGuide/06.pdf
勞工處外籍家庭傭工 宣傳品及相關刊物 : https://www.fdh.labour.gov.hk/tc/publication.html
